2027:

27-29 august

Program:

Vi leier ikke ut elsykkel, men sjekk ut bike and hike i Vågå om du trenger leie elsykkel. Ellers må du ha med din egen elsykkel og hjelm. 

Fredagskvelden byr vi på «Smaken av Jotunheimen», vårt kveldsbord som bugnar av kalde og varme  smakar frå fjellet. Etter ei lang og triveleg stund ved matbordet , byr Brimi Fjellstugu på overnatting i gode senger for ei god natts søvn i frisk fjelluft.

Laurdag er det frukost med heimelaga bakst, nykokt syltetøy og anna tradisjonsrik frukostmat. Etter det møtes vi ute i tunet på Fjellstugu, klare med sykkel og ei drikkeflaske. Her står guiden klar til å ta deg rundt på kulturhistoriske tufter rundt Tessevatnet. Vi vil dele dere inn i grupper etter ynskje og ferdigheiter, men alle er samla på fyrste stopp allereie på Brimi Sæter. Her blir det litt ostesmaking og noko godt i glaset, saman med litt sæterhistorie før turen går vidare.

 Vi syklar ca 25 km, og undervegs blir det både artige historiar og lokal kulturformidling mange tusen år attende i tid.

Sykkelturen vert avslutta i BrimiSkogen med treretters bålunsj. 

Etter fjellturen kan du gjerne benytte deg av vårt badstueanlegg, med jacuzzi og badstue, før vi i 7-tida serverer ein tradisjonell 4-retters fjellstugumeny med gode vinar.

Søndag avsluttar vi helga med ein lang søndagsfrukost før utsjekk og avreise.