Aktuelle helger i 2026:

• 12.-14. juni
• 7.-9.august
• 14.-16. august
• 21.-23.august
• 4.-6.september
• 18.-20.september

Program:

Fredagskvelden vert det servert ein 4-rettars meny med smakar frå fjellet. Kjøkenet legg vekt på det velsmakande, lokale og det heimelaga slik det er naturleg i Brimiland. Etter ei lang og triveleg stund ved matbordet , byr Brimi Fjellstugu på overnatting i gode senger for ei god natts søvn i frisk fjelluft.

Laurdag er det frukost med heimelaga bakst, nykokt syltetøy og anna tradisjonsrik frukostmat. Etter det møtes vi ute i tunet på Fjellstugu. Her står kjentmann og vert Vegard Brimi klar med turstokken sin. Vegard er ein kunnskapsrik og morosam kar, så undervegs blir det både artige historiar og lokal kulturformidling. Steinbua ligg 400 meter høgare over havet, og 4 km frå Fjellstugu, så ein vert nok litt sveitt på ryggen!  Uansett er premien er ei fantastisk utsikt mot Tesse og Rondane. Vel framme på steinbua ventar ein 3-rettars lunsj frå bålet. 

Etter fjellturen kan du gjerne benytte deg av vårt badstueanlegg.

Les meir her: 

https://brimi-fjellstugu.brimiland.no/opplevingar/

Laurdag kveld er det lang middag saman med Arne Brimi på hans restaurant Vianvang. Vianvang er draumen som Arne har realisert i Brimiland. Her står smaken i høgsetet, og ingen går frå Vianvang svolten! Dette er ein kveld med mange smakar fra Jotunheimen, tankar rundt matfilosofi og eit kulinarisk møte med "Naturens kjøken".

Sundag morgon serverar vi ein lang og god frukost før det er tid for heimreise .

Fredag
15:00 Ankomst og innsjekk

19:00 4-retters middag på Brimi Fjellstugu

22:00 Peiskos

Laurdag
08:00 Frukost

10:30 Avmarsj til Steinbua

13:30 Utelunsj på Steinbua

18:30 Vianvang – en lang og klassisk kveld med Arne Brimi

Sundag
08:00 Frokost

11:00 Utsjekk og avreise

Praktisk informasjon
Vi køyrer minibuss mellom Brimi Fjellstugu og Vianvang som ein del av opplegget.
Antrekket inne er uformelt, «pent hytteantrekk» vert brukt som eit ord på det.
Ute er det vindtette og varme klede for fjellet som gjeld.

Vi har også tilsvarende opplegg midt i veka frå onsdag til fredag, sjå eiga pakke.