Aktueller helger i 2026:

• 16.-18.oktober
• 13.-15.november
• 20.-22. november 

Aktuelle helger i 2027:

• 21.-23.mai
• 26.-28. mai
• 28.-30.mai
• 24.-26. september
• 19.-21.november

Program:

Fredagskvelden vert det servert ein 4-rettars meny med smakar frå fjellet. Kjøkenet legg vekt på det velsmakande, lokale og det heimelaga slik det er naturleg i Brimiland. Etter ei lang og triveleg stund ved matbordet , byr Brimi Fjellstugu på overnatting i gode senger for ei god natts søvn i frisk fjelluft.

Laurdag er det frukost med heimelaga bakst, nykokt syltetøy og anna tradisjonsrik frukostmat. Etter frukost tek vi turen til Brimiskogen Klatrepark. Der kan den som vil bli utfordra på balanse, styrke og koordinasjon på ein leikande måte. Brimiskogen Klatrepark har fem løyper oppe i trea. Løypene har ulik vanskegrad. Brimiskogen ligg idyllisk til i ein gamal furuskog omlag ein kilometer frå Brimi Fjellstugu. Aktiviteten passer for alle, både for store og for små.

Til lunsj samlast vi ved bålplassen i BrimiSkogen. Her blir det servert ein 3-rettars bållunsj samn med Arne Brimi. Her vil du oppleva både jakthistoriar, venskaplege sleivspark og historiar frå «Gutta på tur». Alle rettane blir laga over open varme. Måltidet blir avslutta med ekte bålkaffe.

Laurdag kveld er det lang middag saman med Arne Brimi på hans restaurant Vianvang. Vianvang er draumen som Arne har realisert i Brimiland. Her står smaken i høgsetet, og ingen går frå Vianvang svolten! Dette er ein kveld med mange smakar fra Jotunheimen, tankar rundt matfilosofi og eit kulinarisk møte med "Naturens kjøken".

Sundag morgon serverar vi ein lang og god frukost før det er tid for heimreise.

Fredag
15:00 Innsjekk Brimi Fjellstugu
19:00 4-retters middag Brimi Fjellstugu
22:00 Peiskos

Laurdag
08:00 Frukost
10:30 Mulighet for aktivitet i Brimiskogen for den som vil
13:00 Utelunsj i BrimiSkogen
18:00 Transport Vianvang, den som vil kan rusle bort (45 min.)
18:30 Lang kveld med Arne Brimi på Vianvang
23:30 Retur Brimi Fjellstugu

Sundag
08:00 Frukost
11:00 Utsjekk og avreise

Praktisk informasjon
Vi køyrer minibuss mellom Brimi Fjellstugu og Vianvang som ein del av opplegget.
Antrekket inne er uformelt, «pent hytteantrekk» vert brukt som eit ord på det.
Ute er det vindtette og varme klede for fjellet som gjeld.